Siglir tar il cuntegn

Header

Requirents d'asil vid emprender tudestg.
Legenda: Requirents d'asil vid emprender tudestg. Reuters
cuntegn

Chantun Requirents d'asil: Radund 10% svaneschan durant la procedura

Adina puspè svaneschan requirents d'asil duront la procedura d'asil. La raschun po esser ch'els spetgan meglras cundiziuns en in'auter pajais.

Denter 20% e 40% dals requirents d'asil svaneschan avant ch'els vegnan en ils centers da retschaviment u curt suenter, quai conferma il secretariat statal per migraziun vers la "Sonntagszeitung". Dentant era suenter ch'ils requirents d'asil èn vegnids partids tiers da la confederaziun als chantuns datti adina puspè cas nua che requirents d'asil svaneschan.

Radund 10% en il Grischun

En il Grischun sajan quai radund 10%, uschia Georg Carl, manader da la partiziun per asil e realisaziun da mesiras dal Grischun.

Dals 59 requirents ch'èn vegnids durant l'avust en il Grischun fissan pia sis svanids. Nua che quellas persunas van lura n'è betg enconuschent.

Chantun sto ir suenter als minorens

Probabel giajan blers en autras tiaras nua che las cundiziuns èn meglras per requirents, Manegia Georg Carl. I dettia dentant er da quels che turnan puspè en Svizra perquai che las cundiziuns en l'auter lieu na sajan betg stadas sco spetgà. Sulet tar requirents minorens betg accumpagnads sto il chantun ir suenter e guardar nua che quels èn ids. Savens giajan era quels en autras pajais – tar parents.

Artitgels legids il pli savens

Scrollar a sanestra Scrollar a dretga