Il deputà Bruno Loi ha fatg attent en sia dumonda che mo paucas firmas grischunas possian far lavurs per l’Uffizi federal da vias. La raschun saja che las lavurs sajan savens memia grondas. El è da l’avis ch’ins pudess er reparter las lavurs sin pliras firmas pitschnas e mesaunas ed uschia procurar per lavur per quellas firmas.
Gist questas firmas sajan vegnidas sut squitsch suenter il gea a l'iniziativa cunter abitaziuns secundaras. Mario Cavigelli, il cusseglier guvernativ responsabel, vesa è il problem, fa dentant attent ch'i saja senz'auter pussaivel per firmas pitschnas da furmar cuminanzas da lavur. Tuttina ha la regenza incumbensà il departament da construcziun, da sensibilisar l’ASTRA e far attent el dad en il futur er scriver ora lavurs pli pitschnas per uschia dar la schanza a firmas pitschnas e mesaunas da survegnir lavurs.
RR novitads 10:00