La finamira che las regiuns linguisticas sajan represchentadas a moda adequata en la regenza svizra possia er vegnida cuntanschida sch'il Cussegl federal consistia sco enfin ussa da 7 commembers, argumentescha la regenza grischuna.
Plinavant stoi vegnir constatà ch'in augment a nov cusseglieras e cussegliers federals chaschunass expensas supplementaras considerablas. Ina regenza pli gronda pudess mo funcziunar sut ina ferma direcziun d'in president u d'ina presidenta quai che metess però en dumonda il sistem colleghial svizzer, uschia scriva la regenza grischuna.
RR novitads 09:00