Siglir tar il cuntegn

Header

cuntegn

Return ord pajais privlus 120 persunas èn gia s'annunziadas en Grischun

Dapi duas emnas exista ina glista da la Confederaziun davart ils pajais privlus pervi dal coronavirus. Dapi lura ha era il chantun Grischun in formular d'annunzia sin sia pagina d'internet. Persunas, che returnan da pajais sco la Svezia, la Serbia u il Cosovo ston emplenir or quest formular ed ir en quarantina.

Fin uss hajan els survegnì radund 120 annunzias ha ditg Rudolf Leuthold, il schef da l'Uffizi da sanadad Grischun al schurnal regiunal dal radio SRF. Tranter quellas eran 42 persunas, ch'eran stadas en la Svezia, e 29 persunas, ch'èn turnadas dal Cosovo. Leuthold na vul dentant betg valitar il dumber da 120 annunzias:

Ina controlla al cunfin, schebain la glieud inditgescha sinceramain da tge pajais ch'ella returnia en Svizra, na saja betg pussaivla, uschia Leuthold. El ha perquai gronda speranza er en la controlla sociala:

Sch'i dat lura in cas d'infecziun d'ina persuna, che n'ha betg inditgà correctamain da tge pajais ch'ella è turnada, lura pudessi er vegnir char.

La lescha d'epidemia prevesa multas fin 10'000 francs.

RTR novitads 06:00

Artitgels legids il pli savens

Scrollar a sanestra Scrollar a dretga