Siglir tar il cuntegn

Header

video
La citad da Cuira reveda la lescha da polizia
Or da Telesguard dals 13.05.2020.
laschar ir. Durada: 3 minutas 13 Secundas.
cuntegn

Revisiun lescha da polizia Cuira vul cameras per identifitgar persunas

Il parlament da la citad da Cuira ha da reveder la lescha da polizia. In dals puncts: la controlla cun video. La nova lescha porscha la basa legala per far controllas cun video senza registraziuns ed era controllas cun video cun identificaziuns da persunas.

Surveglianza da video tutga tar il mintgadi. Uschia era en la citad da Cuira. 11 cameras observan ozendi puncts neuralgics, ellas èn quasi l'egl prolungà da la polizia. Las cameras na registreschan dentant betg quai ch'ellas vesan.

Cun la revisiun totala da la lescha da polizia da la citad da Cuira pudess quai midar. Vegniss quella approvada, fiss quai la basa legada da far surveglianza da video cun identificaziun da persunas. Far quai po la citad dentant sulettamain en lieus publics, nua che la segirezza e l'urden èn periclitads. Surordinada è la lescha dal chantun che prescriva tge lieus che quai pon esser.

Per il president da la citad da Cuira, Urs Marti, èsi impurtant che la citad da Cuira restia ina citad segira. Las cameras possian gidar dad esser pli svelts al lieu e da reagir svelt. Ina controlla da las persunas en la citad na saja betg l'intent.

Critics envers cameras cun identificaziun da persunas resta Thomas Casanova, l'incumbensà per la protecziun da datas dal chantun Grischun. Oz sajan blers da l'avis che cameras sajan l'ov dal Columbus, dentant la rata da criminalitad na sbassian quellas betg.

La sesida dal parlament da la citad è gievgia, ils 14 da matg 2020.

RTR Telesguard 17:40

Artitgels legids il pli savens