La revisiun parziala da la lescha da taglia cuntegn d'ina vart adattaziuns al dretg federal. Da l'autra vart entginas revisiuns dal dretg chantunal e las premissas legalas per la documentaziun ed elavuraziun electronica dals documents da taglia. Per part van las adattaziuns en vigur retro-activ per ils 1 da schaner 2016.
Entgins puncts ch'èn vegnìds adattads al dretg federal:
- per scolaziuns èsi da nov lubì da trair giu da la taglia tochen 12'000 francs (va en vigur retro-activ per il 1. da schaner 2016)
- persunas giuridicas cun intenziuns idealas - nagina taglia fin in gudogn da 20'000 francs (va en vigur per il 1. da schaner 2018)
- adattaziun dals temps da surannaziun en il dretg penal fiscal (va en vigur per ils 1. da schaner 2017)
Puncts che vegnan surluvrads sin palancau chantunal:
- La regenza è pronta da tut tenor adattar l'autezza da las amortisaziuns directas ad auters chantuns
- la taxa da scussiun vegn auzada sin 100 francs per pudair adossar ils custs al chaschunader (va en vigur per il 1. da fanadur 2016)
- nova regulaziun tranter chantun e vischnauncas perquai ch'ils documents da taglia vegnan elavurads da nov tuts digitalmain e quai daltuttafatg tar il chantun
RR novitads 09:00