Sche possessurs da chasas dal Grischun fan investiziuns per spargnar energia u per proteger l'ambient, duain els pudair trair giu insatge da la taglia. Quai propona la Cumissiun per ambient, traffic ed energia dal Cussegl grond, en il rom da la revisiun parziala da la lescha d'energia. Questa regulaziun è sumeglianta ad ina ch'i dat gia tar la Confederaziun ed en numerus chantuns.
In'ulteriura differenza al sboz da la regenza è che chasas novas ston producir sezzas ina part da l'electricitad necessaria. Excepziuns datti per bajetgs ch'èn en lieus cun pauc sulegl u per bajetgs da minergia.
Numerusas propostas da minoritad
Ultra da quai fa ina minoritad da la cumissiun ulteriuras propostas: Tranter auter duain vischnancas vegnir obligadas da realisar in concept d'energia. Stgaudaments da resistenza electrics e stgaudaments d'aua centrals electrics duain vegnir remplazzads fin il 2035. Plinavant vul questa minoritad che almain 20% empè da 10% energia duai vegnir spargnada cura ch'i vegn remplazzà in stgaudament.
La revisiun parziala da la lescha d'energia, tracta il Cussegl grond en la sessiun da favrer 2020.
Ord l'archiv
En Engiadina datti plitost paucas cellas da solar. Il Telesguard ha rapportà la fin october:
RTR novitads 11:00