Expertas ed experts han prognostitgà la segund unda ch'è la finala vegnida pli svelt e ferm che spetgà, uschia commentescha er Cusseglier federal Alain Berset ils schabetgs da l'atun:
- Las cifras creschan fermamain durant l'october, la segunda unda è qua.
- Occurenzas grondas vegnan puspè scumandadas, la mascrina daventa in accessori dal mintgadi a partir da mez october.
- Las cifras d'infecziun, isolaziun e quarantina creschan, il contact tracing en divers chantuns vegn als cunfins. En il Grischun para quel da funcziunar.
- Campiunadis d'amaturs vegnan interruts, uschia ch'il ballape e hockey regiunal è puspè sfurzà da far ina pausa.
- Vi e nà federalistic: ina giada decida il chantun mesiras, ina giada la Confederaziun. Il management da crisa chaschuna critica e malsegirezzas.
- Gronda discussiun datti il november e december en connex cun ils territoris da skis. Fertant che vischins sco l'Italia e l'Austria scumondan d'avrir, restan ils territors en Svizra averts.
- La regenza grischuna s'engascha fermamain per tegnair avert ils territoris ed uschia pussibilitar ina stagiun d'enviern.
