Siglir tar il cuntegn

Header

audio
Revistas 2019: il cartel en il Grischun
Or da Actualitad dals 26.12.2019.
laschar ir. Durada: 03:42 minutas.
cuntegn

Revistas: Cartel GR L'emprima bumba en la causa cartel da construcziun

Il november preschentan la PUK sco er l'expert extern Andreas Brunner lur resultat en connex cun las inquisiziuns en il cas Quadroni. Il cuntegn da quels èn ferm tubac e crititgeschan fermamain la lavur da la Polizia chantunala.

  • Dapi il 2012 investighescha la cumissiun da concurrenza WEKO en chaussa cartel da construcziun en l'Engiadina.
  • Suenter ch'ella ha constatà cunzunt en la construcziun auta cas nua che firmas han fatg giu pretschs è il 2019 la construcziun da vias en il focus da la WEKO.
  • Il settember 2019 preschenta la WEKO sias davosas inquisiziuns e chastia 12 firmas da construcziun da vias. Il chasti total munta a 11 milliuns francs.
  • Il november preschenta la cumissiun d'inquisiziun parlamentara (PUK) ses rapport en connex cun las acziuns da polizia cunter il whistleblower Adam Quadroni ch'aveva mess en moviment las examinaziuns dal cartel. Quel rapport constatescha ch'Adam Quadroni n'è per part betg vegnì tractà correct e che la Polizia chantunala haja fatg sbagls.

  • Er l'expert extern Andreas Brunner ha prendì sut la marella las acziuns da polizia en il cas Quadroni, quai sin incumbensa da la regenza. Er el vegn tar la conclusiun ch'i haja dà sbagls e mancos tar la Polizia chantunala.

  • En la critica èn sper il schef dal post da polizia al lieu er ils superiurs da quel ed il cumandant Walter Schlegel.

  • Il cusseglier guvernativ responsabel per il Departament da polizia, giustia e sanadad Peter Peyer conceda sbagls, stat dentant davos ses collavuraturs – relaschadas na datti naginas. El introducescha dentant in'entira retscha mesiras per megliurar la situaziun.

RR actualitad 08:00