- Sut il motto «Fridays for Future» van scolaras e scolars da l'entir mund venderdi per venderdi sin via per protestar per in meglra protecziun dal clima. Er en Svizra vegn demonstrà.
- Ils 14 da zercladur 2019 van millis dunnas sin via per far attent ad inegualitads.
- Il moviment d'ecologia e quel da las dunnas influenzeschan il cumbat electoral per las elecziuns naziunalas 2019.
- L'october 2019 elegia la Svizra in nov parlament – quel è pli verd e pli feminin.
- En il Grischun han las duas surpraisas num Sandra Locher Benguerel (PS) ed Anna Giacometti (PLD). Ellas remplazzan Duri Campell (PBD) e Heinz Brand (PPS) en il cussegl naziunal. Elegì nov vegn è Jon Pult (PS). Reelegids vegnan Magdalens Martullo Blocher (PPS) e Martin Candinas (PCD).
- En il Cussegl dals stans resta tut sco fin ussa: ils dus cussegliers en uffizi Martin Schmid (PLD) e Stefan Engler (PCD) dumognan la reelecziun.
RR actualitad 07:00