Siglir tar il cuntegn

Header

Navigaziun

Rico Cathomas e Vincenzo Todisco.
Legenda: Rico Cathomas e Vincenzo Todisco. MAD, Scola auta da pedagogia dal Grischun
cuntegn

Chantun Rico Cathomas e Vincenzo Todisco partan professura

La Scol'auta da pedagogia dal Grischun ha elegì Rico Cathomas per la professura speziala per didactica da plurilinguitad integrada. El parta la professura speziala cun Vincenzo Todisco ch’è vegnì elegì per la professura taliana. Quai ha communitgà la Scol’auta da pedagogia.

Rico Cathomas ha studegià pedagogia e psicologia ed era 10 onns responsabel per la furmaziun da scolasts a l'Universitad da Friburg. El ha perscrutà en differentas funcziuns l’instrucziun bi- e plurilingua. Plinavant ha Rico Cathomas elavurà meds d’instrucziun per lecziuns da rumantsch grischun, sursilvan, sutsilvan, puter e vallader.

Vincenzo Todisco ha studegià a l'Universitad da Turitg scienza litterara e linguistica en talian e franzos. A l'Universitad da Berna ha el doctorà cun la lavur Scuola bilingue e plurilinguismo a Maloja. Silsuenter ha el lavurà plirs onns sco scolast secundar II. Dapi il 2002 è Todisco docent a la Scol'auta dal Grischun e dal 2003 fin 2017 ha el manà il post da stab linguatg.

RR novitads 14:00