Siglir tar il cuntegn

Header

Navigaziun

Tenda dal festival d'umor ad Arosa.
Legenda: La cumbinaziun tranter sport d'enviern e trategniment fa ora il scharm da quest festival. Arosa Tourismus / Nina Mattli
cuntegn

Chantun Rir renda – 27avel festival d'umor è stà in success

Sco quai che l'organisaziun communitgeschan han bunamain 17'000 persunas visità il festival, 3% dapli che l'onn passà. En media eran vendidas 80% da las plazzas da las represchentaziuns, scrivan ils organisaturs.

Durant ils ultims 11 dis han passa 50 artistas ed artists mussà lur program en 24 preschentaziuns. Totalmain han 16'850 giasts visità il festival d'umor. Ils organisaturs sajan cuntents, scrivan els en lur communicaziun.Era sch'i haja dà quest onn 3 preschentaziuns damain, hajan var 3% persunas dapli visità il festival.

Premi «Arosa Humorfüller» per Rob Spence

Il cumediant Rob Spence è vegnì onurà cun il stilograf d'umor per sias prestaziuns fin uss sco artist. Gudagnà quest premi han fin ussa tranter auter Michael Mittermeier, Emil Steinberger, Gerhard Polt, il cabaret Duo Divertimento u Viktor Giacobbo. Uschia fa a savair l'organisaziun dal festival d'umor.

Vista sin festival d'umor 2019

Il proxim festival d'umor ad Arosa vegn ad avair lieu dals 5 fin 15 da december 2019. Il program è bunamain cumplet. Tranter auter pon ins vesair il proxim onn il cabaret Duo Divertimento, Oropax, Mummenschanz e Starbugs. La cumpletta glista cumpara l'entschatta dal proxim onn.

RR novitads 18:00