Siglir tar il cuntegn

Header

cuntegn

Chantun Roman Cantieni è mort

L'organist ed anteriur professer da musica al seminari da magisters a Cuira è mort ils 15 da settember. Sco quai ch'è da leger en l'annunzia da mort è Roman Cantieni mort suenter malsogna.

Roman Cantieni è naschì ils 24 da fanadur 1944 a Cuira. Suenter il studi da l'orgel a Vienna ha el obtegnì il diplom da concert a Basilea. Davent dal 1970 è el stà professer da musica al seminari da magisters a Cuira. El ha dà numerus concerts dad orgel en Svizra ed en l'exteriur ed ha valì sco grond expert d'instruments da tastas istorics.

In dals puncts culminants da sia carriera è stà la collavuraziun tar las registraziuns cumplettas da las ovras dad orgel da Johann Sebastian Bach il 1985 a Milaun. Er ha el manà divers curs da maister tranter auter a Salt Lake City, Venezia e Cuira.

Ord l'archiv:

Svizra Rumantscha dals 02.01.1983

video
Roman Cantieni – concert d'orgla en la baselgia da Domat
Or da RTR dals 19.09.2018.
laschar ir. Durada: 14 minutas 23 Secundas.

Artitgels legids il pli savens