Cura che Romana Schmidmeister ha udì l'emprima giada da la pedagogia da Montessori era ella immediat tschappada. Dus onns ha ella instruì a Savognin ed allura tschintg onns a Laax. A Laax ha Romana Schmidmeister lura cumenzà cun la scolaziun da Montessori. A partir da l'emprim di era ella fitg intgantada da questa pedagogia. Ella ha lura empruvà d'integrar elements da Montessori en sia instrucziun. En ina scola tradiziunala na saja quai dentant strusch stà pussaivel.
Oz viva Romana Schmidmeister a Siebnen. Ella ha trais uffants e na dat betg pli scola. Dentant era en l'educaziun da lur uffants emprova ella savens d'integrar quai ch'ella ha emprendì da la pedagogia da Montessori.
