Siglir tar il cuntegn
Inhalt

Chantun Rumantsch va digital, cun ina nova app per handys

L'uniun Romontschissimo cun l'iniziant Aluis Deragisch ha programmà in'applicaziun per romontsch. I sa ctracta dad in' app che duess promover la pronunzia.

App cun alpfabet
Legenda: App cun alfabet Quai e la surfatscha nua che ins tschertga ils pleds tenor l'alfabet. MAD

Cun quella app che port’il num: «Romontsch Sursilvan-Aussprache» pon ins chattar pleds e translatar dal rumantsch sursilvan en tudestg ed era il cuntrari.

Ils pleds èn sortids tenor igl alfabet. Ins chatta en questa applicaziun passa 10'000 pleds, 7’000 sinonims e 3’500 antonims. Il spezial è ch’ins po smatgar sin scadin pled rumantsch ed alura pronunzia ina vusch il pled correctamain. Quai duess gidar da meglierar la pronunzia. L’applicaziun è pia in bun gidanter per persunas che vulan emprendan rumantsch sursilvan.

Cun 39 francs è il pretsch da l’applicaziun acceptabel – quai cumpareglià cun cudeschs u programs da computer. Cumprar san ins quest’applicaziun per ils dus sistems IOS ed Android.

RR actualitad 07:00