Siglir tar il cuntegn

Header

cuntegn

Chantun S'unir per esser ferms

Urs Schädler (PLD), president da l'Uniun grischuna d'artisanadi e mastergn, giavischa ina colliaziun da glistas da las partidas burgaisas tar las elecziuns da l'atun.

La finamira saja ina buna represchentanza burgaisa en il Cussegl naziunal ed en quel dals chantuns. Per ch'i vegnia puspè fatg politica d'economia che servia a tuts.

Schädler spera sin la colliaziun da glistas gronda, cun la PLD, la PPS, la PCD e la PBD. Ina finamira fiss da cumbatter effizientamain iniziativas dal pievel ch'en nuschaivlas per l'economia, sco per exempel l'iniziativa da las segundas abitaziuns.

Uniun è daventada marscha

Urs Schädler conceda che sia uniun haja magari sutvalità ina u l'autra iniziativa dal pievel, ch'ella n'haja betg cumbattì avunda per ses interess. Cun gudagnar intginas votaziuns saja l'uniun daventada marscha.

audio
Mezdi: Clom d'ina colliaziun da glistas da las partidas burgaisas
ord Actualitad dals 15.06.2015.
laschar ir. Durada: 2 minutas 7 Secundas.

Per cumbatter effizientamain iniziativas na tanschia la colliaziun da glistas dentant betg. Era ils commembers da l'Uniun grischuna d'artisanadi e mastergn stoppian daventar activs e discurrer cun la glieud.

Artitgels legids il pli savens