Siglir tar il cuntegn

Header

Navigaziun

cuntegn

Chantun Salvament d'aua manglus en il Grischun

Tenor ina gruppa da project dal chantun manca en il Grischun in salvament or da l'aua structurà.

Salvament d'aua.
Legenda: Salvament d'aua (Maletg da simbol). Keystone

La situaziun actuala na saja betg tolerabla, uschè il facit final dal rapport da 25 paginas. Ina structura da salvament per accidents d'aua manca en grondas parts dal chantun. L'atun dal 2017 ha la Polizia chantunala abolì la gruppa da sfunsaders. Mo en l'Engiadin'Ota e tar ils lais da nudar a Flem ed Arosa saja il salvament d'aua structurà.

Soluziuns pussaivlas

A las vischnancas cun lais en vischinanza cusseglia la gruppa da project, ch'ils pumpiers locals dessan surprender il salvament d'aua. Els sajan spert al lieu, custs per material e scolaziun sajan survesaivels. Durant l'enviern dessan els vinavant era tegnair in egl sin la grossezza dal glatsch.

A vischnancas cun flums recumonda la gruppa da collavurar cun organisaziuns che porschan per exempel turas da riverrafting. Tar quellas dess in pool da persunas scoladas star pront. Uschè ina gruppa dess star pront per pliras vischnancas. Ils spezialist stoppian tenor il rapport mo star a disposiziun tranter matg ed october. Durant il rest da l'onn è l'utilisaziun dals auals tenor lescha restrenschì.

RR novitads 16:00