Siglir tar il cuntegn

Header

Video
Il chantun ha preschentà ses plans per la nova basa da traffic al San Bernardino
Or da Telesguard dals 30.10.2019.
laschar ir
cuntegn

San Bernardino Basa da traffic vegn sanada ed engrondida

A San Bernardino vegn la basa da traffic da la Polizia chantunala sanada ed engrondida. Il project da 7 milliuns francs prevesa ina sanaziun totala dal bajetg ch'è vegnì inaugurà il 1972. Vi dal bajetg existent duai vegnir construida ina garascha per vehichels da polizia gronds sco er ina tur cun ina nova stanza da tecnica, en special per la rait da funk da segirezza Polycom.

Basa da traffic San Bernardino

Personen-Box aufklappenPersonen-Box zuklappen

La basa da traffic è vegnida inaugurada il 1972, tschintg onns suenter l'avertura dal tunnel dal San Bernardino. La basa è in lieu impurtant per survegliar il traffic da transit.

Il 1988 hai da ina sanaziun energetica vi dal bajetg: Fanestras, tetg e fatschada èn vegnids optimads.

Il 2011 ha L'Uffizi federal da vias ASTRA surdà l'immobiglia al chantun Grischun.

Entulà vegn il bajetg cun laina svizra e stgaudà vegn en futur cun pellets. Ultra da quai vegn l'entira basa da traffic adattada als basegns da persunas cun impediment. La reavertura da la basa è planisada per la stad 2021.

Durant il temp da bajegiar dad in onn e mez vegnan ils collavuraturs da la basa da traffic sco er la direcziun da la polizia da la Mesolcina ad esser staziunads a Mesocco, nua ch'il post da polizia è vegnì engrondì per quel intent. Ulteriurs post da polizia èn a Spleia ed a Valragn.

RR novitads 11:00