Siglir tar il cuntegn

Header

las fatschas da duas dunnas, ellas èn las novas medias chantunalas
Legenda: Dr. med Corinna Ariane Schön (a san.) e dr. med. Marina Jamnicki Abegg mad
cuntegn

Sanadad Duas novas medias chantunalas

Ils chantuns Glaruna e Grischun han elegì Corinna Ariane Schön e Marina Jamnicki Abegg sco successuras da Martin Mani che va en pensiun sco media chantunal.

Las duas medias han in pensum da lavur total da 140%, mintgina 70%. Sco la regenza grischuna scriva haja ella decidì d'auzar il pensum chantunal da fin uss 70% sin nov 100%. Ils ulteriurs 40% surpiglia il chantun Glaruna. Las duas novas medias chantunalas entran en uffizi il prim da favrer 2020.

Cun dr. med. Marina Jamnicki Abegg (anteriura media uffiziala dal Principadi da Liechtenstein) e cun dr. med. Corinna Ariane Schön (anteriura media superiura da l'institut per medischina legala da l'Universitad da Berna) vegnan duas medias chantunalas ad ademplir en il futur questa incumbensa en ils chantuns Glaruna e Grischun. Las incumbensas da las medias chantunalas cumpiglia l'execuziun da la legislaziun davart l'assicuranza da malsauns, la permissiun da terapias da substituziun sco er dumondas da la polizia da sanadad e da l'epidemiologia.

RTR novitads 10:00