Siglir tar il cuntegn

Chantun Sanar u serrar – l'avegnir dals stans da sajettar

Numerus stans da sajettar en il Grischun ston vegnir sanads. Tenor chantun duai quai capitar fin la fin dal 2020. Sche quai na capità betg po il chantun serrar ils stans.

Legenda: Guardar il video «Uschia sa sanescha in stan da tir». Durada 2:41 minutas.
Dals 28.10.2008.

Onns a la lunga han tregants grischuns sajettà sin lur schibas, las ballas èn idas atras, èn sa platgadas en la terra ed han contaminà uschia il terrain.

Quai duai uss sa midar: Las vischnancas han da montar tschiffaballas. Per schiba custa quai 5'000 fin 10'000 francs. Sche las vischnancas monteschan quels tschiffaballas fin la fin dal 2020 vegnan ellas sustegnidas da la Confederaziun.

Sanaziun dal terren custa

Ils daners da la Confederaziun èn dentant betg per ils tschiffaballas mabain per sanar il terrain ch'è vegni contaminà. Per schiba custa quai – tenor il chantun – en media 18'000 francs. La Confederaziun surpigliass 40% da quels custs, pia 8'000 francs, sche las vischnancas fan enavant cun la sanaziun.

Stans da tir pon vegnir serrads

Sch'in stan da tir n'ha betg tschiffaballas na correspunda el a la lescha. La consequenza: L'uffizi per militar e schurmetg civil po serrar el.

I saja tenor Hans Gasser, il manader da l'uffizi dentant da quintar ch'ils custs èn en general memia auts uschia che stans vegnan uschia ni uschia serrads.

RR actualitad 07:00