Siglir tar il cuntegn

Header

cuntegn

Schaner 2021 Revisiun parziala da la lescha d'energia va en vigur

Il prim da schaner 2021 entra en vigur en il Grischun la revisiun parziala da la lescha d'energia. Sco quai che la chanzlia chantunala communitgescha n'haja dà nagins referendums cunter l'approvaziun da la revisiun entras il Cussegl grond il favrer.

Ils puncts centrals en la lescha d'energia revedida èn novas reglas per remplazzar stgaudaments sco era l'obligaziun da stuair producir atgna electricitad en edifizis novs.

Ultra da quai ha la Regenza relaschà l'Ordinaziun d'energia dal chantun Grischun (OEG). Quella regla ils detagls da l'adattaziun al stadi da la tecnica e las cundiziuns da promoziun per la construcziun d'implants fotovoltaics vid edifizis.

Deducziuns tar la taglia chantunala

A partir dal 2021 pon er tuttas investiziuns che servan a spargnar energia u a proteger l'ambient vegnir deducidas da la taglia chantunala. Plinavant han ils custs da renatiralisaziun, en vista a la construcziun d'in edifizi cumpensatoric, il medem status sco ils custs da mantegniment e pon perquai vegnir deducids.

Ord l'archiv

video
Cussegl grond debattescha davart lescha d'energia
Or da Telesguard dals 12.02.2020.
laschar ir. Durada: 3 minutas 15 Secundas.

RTR novitads 09:00

Artitgels legids il pli savens