Siglir tar il cuntegn

Header

audio
Schluccadas: Er la cultura dat in suspir da levgiament
Or da Actualitad dals 27.05.2020.
laschar ir. Durada: 02:32 minutas.
cuntegn

Schluccadas Cultura – per maximal 300 persunas

Giudair da cuminanza concerts, teaters e kino – gliez è pussaivel a partir dals 6 da zercladur, sche la cuminanza n’è betg pli gronda che 300 persunas.

Ils organisaturs ston dentant garantir che

  • las reglas da distanza ed igiena vegnan resguardadas
  • u che tuttas persunas sa laschan registrar
Nus avain plaschair da puspè dastgar preschentar noss art – era ad in public pitschen.
Autur: Rolf Caflischpresident Jazz Cuira

L’avertura sin ils 6 da zercladur na saja betg exnum ina surpraisa, di Rolf Caflisch. Suenter ch’il Cussegl federal haja dà enconuschent l’avrigl l’emprima avertura haja la scena da cultura en sasez quintà ch’ella vegnia resguardada tar il segund pass d’avertura. Ins haja lavurà fitg e saja sa preparà bain per quest mument.

In u dus concerts il zercladur

Jazz Cuira unescha plirs organisaturs da concerts locals. L’uniun era sa furmada l’entschatta da quest onn ed aveva stuì dir giu pervia da corona pliras occurrenzas. Datas precisas da concerts na po il president anc betg inditgar. Ma el quinta ch’ins po porscher gia il zercladur in u dus concerts.

Rolf Caflisch n’è betg mo organisatur da concerts, mabain suna battaria en pliras furmaziuns u era per teaters. Per dar l’intervista ad RTR ha el interrut l’emprova per «Die Weisse Hölle am Piz Palü». La glieud da teater saja levgiada ch’i giaja puspè liber ed ins possia star ensemen sin tribuna.

RTR actualitad 17:00

Artitgels legids il pli savens

Scrollar a sanestra Scrollar a dretga