Siglir tar il cuntegn

Header

cuntegn

Scola auta da pedagogia Scolasts primars duain pudair far scolaziun per secundara a Cuira

La Scola auta da pedagogia dal Grischun scriva puspè ora la scolaziun per magisters primars che vulan sa scolar vinavant sin stgalim secundar. Quai per incumbensa da la regenza grischuna. A partir da l'auter onn datti uschia la pussaivladad da far la scolaziun cumplementara a Cuira – e quai independent da quantas annunzias ch'i dat. Uschia vul la regenza cumbatter la mancanza da scolasts secundars.

Il studi da master era gia vegnì scrit ora per quest atun. Perquai ch'i n'aveva però betg dà avunda annunzias era il studi vegnì ditg giu. Duvrà avessi almain 24 persunas dal Grischun. En collavuraziun cun la Scola auta da pedagogia da Son Gagl, scriva la Scola auta grischuna ora anc ina giada il studi per il 1. da settember 2020 fin ils 31 d'avust 2023.

RR novitads 11:00

Artitgels legids il pli savens