Philippe Benguerel daventa a partir dal 1. d'avust da quest onn nov rectur da la Scola chantunala. El succeda a Gion Lechmann che surpiglia il timun da l'Uffizi grischun per la furmaziun media-superiura. Philippe Benguerel è fin uss stà conrectur. Quest post surpiglia Werner Carigiet ch'è actualmain magister da rumantsch e da talian a la Scola chantunala.
Vitiers survegn la direcziun da la scola cun Urs Spirig in ulteriur commember, sco il chantun scriva. La raschuna saja ina nova repartiziun da las incumbensas. Spirig è actualmain magister da biologia e chemia a la Scola chantunala.