Siglir tar il cuntegn

Header

stanza da scola vita, pults, etuis e rispials giaschan sin las maisas
Legenda: L'access a la scola da talents vegn pli pretensius. Keystone
cuntegn

Chantun Scola da talents ussa cun examen

Da nov n'èsi betg pli pussaivel d'entrar excepziunalmain senza examen en ina scola da talents dal Grischun. La regenza grischuna ha approvà ina revisiun parziala da l'ordinaziun davart la procedura d'admissiun en classas da talent. Era la media da notas vegn auzada.

En l'avegnir sto vegnir cuntanschida ina media 4.5 enstagl da 4.0 sco fin ussa per satisfar a las pretensiuns. Viters vegn la part da l'examen «test da motivaziun» concepida da nov. Cumpetentas per decisiuns d'admissiun èn en l'avegnir las scola da talents.

Tegnì quint a l'augment d'annunzias

Cun questas adattaziuns tegna il chantun quint dal fatg ch'il dumber d'annunzias per l'examen d'admissiun è s'augmentà. En vista a las annunzias actualas per l'examen d'admissiun da quest onn ed en vista a la quota da success che resulta uschia, na sa lascha betg pli dir cun tschertezza che la purschida da plazzas en las scolas grischunas da talents bastia en l'avegnir. Per la procedura d'admissiun è perquai vegnida tschernida ina soluziun pragmatica che ha la basa giuridica respectiva.

RR novitads 10:00