Siglir tar il cuntegn

Header

3 uffants lavuran en scola.
Legenda: Tar ils roms principals sco matematica e tudestg vegnan il pli uffants da mo in'annada instruids ensemen. Keystone
cuntegn

Chantun Scolasts ed uffants en scolas pitschnas èn fitg cuntents

En spezial la maschaida da differentas annadas augmenta la cuntentientscha. Quai mussa in nov studi da 3 scolas autas da pedagogia. Questa maschaida chaschuna dentant era sfidas pretensiusas.

Sco ils auturs dal studi (in project europeic, il link avra en ina nova fanestra) scrivan, sa mussia tant tar ils scolasts sco tar ils scolars en scolas pitschnas ina gronda cuntentientscha. Plinavant saja la maschaida da las annadas interessanta per il contact eterogen tranter ils uffants.

Annadas maschadadas èn la regla

En scolas cun pliras annadas saja dentant sa mussà ch'ils scolasts preparian l'instrucziun per gronda part separadamain per mintga annada e betg per tuttas ensemen.

Savens instruescha in scolast pliras annadas. Perquai saja quai difficil da giuditgar las prestaziuns dals uffants sche quels fetschian pensums d'autras annadas.

Esser pitschens cun sfida e schanza

Damai che las squadras en las scolas èn pitschnas, pon lavurs administrativas esser ina sfida speziala per il persunal d'instrucziun. Da l'autra vart po gist la grondezza da las squadras simplifitgar la collavuraziun.

RR novitads 16:00

Il Studi

3 scolas autas da pedagogia (Vorarlberg, Sogn Gagl, Grischun) han intercurì la situaziun da lavur da scolasts, la structura da l’instrucziun e la collavuraziun da scolas pitschnas en il spazi alpin. Radund 280 persunas èn sa participadas al questiunari. Era 45 intervistas cun scolasts e 30 intervistas cun direcziuns da scolas èn vegnidas fatgas.

Artitgels legids il pli savens

Scrollar a sanestra Scrollar a dretga