Scumond da pavlar selvaschina

Davent dad oz èsi scumandà per persunas privatas da pavlar selvaschina d’ungla (tschiervs, chavriels, chamutschs, capricorns) en la regiun da cunfin cun l’Austria. Il motiv è la tuberculosa.

Ins vesa quatter tschiervs. Bild in Lightbox öffnen.

Legenda da maletgs: Spezialmain selvaschina en il Voralberg ed en il Tirol è infectada cun la tuberculosa. Keystone

Quai saja ina prevenziun per evitar che la tuberculosa vegni importada entras selvaschina dal Voralberg sin la selvaschina e sin ils animals da niz indigens, declera il veterinari chantunal, Rolf Hanimann. Cunquai che blers da quels animals passentan ils envierns sin territori Grischun dettia uss quest scumond.

Igl è scumandà da pavlar activamain, sco era passivamain

Fain, rests da pavel, ballas da silo, material da cumpost èn da depositar uschia, che la selvaschina na po betg vitiers.

D'ina vart na duai uschia la selvaschina betg pudair tiers pavel che vegn er maglià d'animals da niz, e da l'autra vart na duai la selvaschina er betg vegnir attratga cun pavel en la vischinanza dals animals da niz.

En il Grischun hai enfin uss dà nagins cas da tuberculosa tar selvaschina.

RR novitads 06:00