Siglir tar il cuntegn

Chantun Scumonds da far fieu sa schlian

L'Uffizi da guaud e privels da la natira ha schlià il scumond absolut da far fieu en Surselva. En la Val dal Rain, en la regiun Cuira ed en il Partenz vala dentant vinavant in scumond absolut.

Carta dal Grischun.
Legenda: Carta cun privel d'incendis da guaud. MAD, Uffizi da guaud e privels da natira.

Enturn las 11:30 ha l'Uffizi da guaud e privels da la natira schlià il privel absolut da far fieu en vischinanza da guauds en Surselva. En la gronda part dal chantun è il privel uss considerabel u moderà. En la Bregaglia è il privel perfin pitschen.

En la Val dal Rain, en la regiun Cuira ed en il Partenz vala vinavant in scumond absolut. Tenor Andrea Kaltenbrunner da l'uffizi hai en quellas regiuns pluvì bunamain 30 millimeters. Quai saja memia pauc per schliar il scumond absolut.

Schlià era en auters chantuns

En la gronda part da la Svizra è il privel d'incendis da guaud vegnì sbassà. Tranter els han il chantun Turitg, Appenzell Dadora e Dadens u era il chantun Glaruna schlià oz il scumond absolut. En il chantun Son Gagl vala il scumond anc adina.

RR novitads 12:00