Siglir tar il cuntegn

Header

video
Flashmob da seniors a Cuira
Or da RTR dals 01.10.2016.
laschar ir. Durada: 3 minutas 37 Secundas.
cuntegn

Chantun Seniors fan in «flashmob»

Passa 300 senioras e seniors èn s'entupads a Cuira per far in uschenumnà flashmob. Els han sautà tar la chanzun «Mit 66 Jahren» dad Udo Jürgens a chaschun dal di internaziunal da persunas pli passadas.

Sonda avantmezdi curt avant las 11 èn passa 300 senioras e seniors sa rimnads sin la plazza d'Alexander a Cuira. La raschun è stada in flashmob. Pia in'acziun en quai senn spontana, mo ils sautunzs e sa chapescha ils organisaturs savevan da quai. Ils passants èn vegnids surprais.

Flashmob per mussar ch'er seniors han anc schlantsch

audio
Bunura: Flashmob da 300 seniorAs a Cuira
ord Actualitad dals 03.10.2016.
laschar ir. Durada: 2 minutas 50 Secundas.

Il flashmob è vegnì fatg a chaschun dal di internaziunal da persunas pli passadas ed al di mundial da la musica. La finamira è da mussar ch’er persunas pli passadas han anc schlantsch ed elan e ch’er els han plaschair vid la musica e vid il moviment. Che las senioras ed ils seniors han gì plaschair han ins vesì. Tuts avevan in surrir en fatscha ed han sautà plain svung.

RR novitads 15:00

Artitgels legids il pli savens