Siglir tar il cuntegn

Header

cuntegn

Servetsch da protecziun civila Regenza grischuna vul prolungar il temp da servetsch

La regenza grischuna vul prolungar l’obligaziun da far servetsch da protecziun civila per fin tschintg onns. Quai en vista a la revisiun da la lescha federala ch’entra en vigur l’entschatta da l’auter onn.

Entras la revisiun federala stoppia il chantun quintar cun mancanzas da persunal, scriva la regenza. Il dumber da tut en tut 2'277 commembers da la protecziun civila sa reduciss uschia il 1. da schaner 2021 sin be pli 1'653 commembers. Cun questa reducziun stuessan vegnir reducidas bleras prestaziuns a vischnancas sco er per la communitad. Ultra da quai stess er en cas urgents a disposiziun damain persunal da la protecziun civila.

Per evitar quest svilup dovria sco emprim pass ina revisiun da la lescha chantunala, communitgescha la regenza. La consultaziun haja mussà, che la midada fruntia sin gronda acceptanza. Il Cussegl grond tracta la dumonda durant la sessiun da december.

audio
Per tadlar curt e cumpact
ord Novitads dals 23.09.2020. Maletg: RTR
laschar ir. Durada: 1 minuta 18 Secundas.

RTR novitads 11:00

Artitgels legids il pli savens