Siglir tar il cuntegn

Header

Video
Alarm! – cura ch'il luf ha stgarpà
Or da sil punct dals 26.07.2019.
laschar ir
cuntegn

Servetsch per purs Alarm! – cura ch'il luf ha stgarpà...

Il chantun ha instradà la pussaivladad d'in alarm per SMS cura ch'i è vegnì stgarpà animals. Il Plantahof è quel che trametta tals SMS als purs pertutgads. Ils resuns èn fin ussa buns e la critica emprovan ins da resguardar e da meglierar il sistem ch'è anc en fasa da test.

Co funcziuna il sistem d’alarm?

Dapi la fin d’emna dals 13 e 14 da fanadur datti in sistem per alarmar purs, pasters ed apiculturs cura ch'i ha dà in stgarp. Il sistem d’alarm è vegnì instradà da l’Uffizi da chatscha e pestga. Sch’in luf u in auter animal da rapina stgarpa ina nursa u in auter animal da niz lura vegn sco fin qua il guardiaselvaschina sin il plaz. El eruescha lura tge animal ch’ha fatg il stgarp – luf u luf-tscherver.

Da nov decida el uss in radius nua ch’i fa senn dad infurmar ils purs. Tar in luf è quel pli grond che tar in luf-tscherver perquai ch’il luf fa pli grondas distanzas.

Video
L'alarm suenter il stgarp a Sursaissa
Or da RTR dals 25.07.2019.
laschar ir

Cura ch’el ha ensemen tut las infurmaziuns ch’el dovra dat el vinavant quellas al Plantahof. Quel ha tut las datas dals purs e trametta lura il SMS cun las infurmaziuns:

  • nua ch'i ha dà il stgarp
  • cura è il stgarp capità
  • tge ch'è precis capità

Tge ch’ils purs fan lura cun quellas infurmaziuns è surlaschà ad els. Els èn dentant avertids ch’in animal da rapina è en lur regiun e pon per exempel controllar anc ina giada lur saivs. Marc Hosig, il responsabel per il sistem tar l’Uffizi da chatscha e pestga punctuescha dentant ch’ins saja anc en ina fasa da test. El prenda gugent encunter feedback per ch’il sistem po lura vegnir meglierà.

Co vesa il guardiaselvaschina tgi che ha stgarpà?

Per il luf èsi fitg tipic da mazzar sia preda cun ina morsa plazzada vid la gula. Ils dents gits dal luf èn radund 4cm in ord l'auter ed èn uschia da differenziar da las morsas d'in luf-tscherver. Per il luf-tscherver èsi percunter tipic ch'el zuppa per part sia preda. Er tipic è ch'el maglia ora la charn da la preda e lascha enavos il pail.

Ils purs èn per il pli cuntents

La nova purschida chat jau cumplet en urden. Quai è insatge positiv ch'i fan quai.
Autur: Mattias Decurtinspur da Trun
Suenter in SMS èn ins schon malruassaivel, dentant ils guaffens a grad giu na lasch jau betg per currer si d'alp.
Autur: Tini Flepppur da Mustér
Nus prendain las annunzias per sms fitg serius, dentant panica na datti qua nagina.
Autur: Arno Deplazesresponsabel per l'alp Selva a Duin

«Betg in servetsch da glisch blaua»

Batist Spinatsch, manader da cussegliaziun al Plantahof:

Video
Intervista cun Batist Spinatsch
Or da RTR dals 25.07.2019.
laschar ir

RTR actualitad 06:00