Siglir tar il cuntegn

Header

In purtret da Adrian Schärer, da la Securitas e da Sandro Sprecher, da Sprecher Security.
Legenda: Adrian Schärer e Sandro Sprecher. Il manader da la filiala da la Securitas en la Svizra orientala ed il commeber da la direcziun da Sprecher Security sun cuntents cun l'onn passà. RTR
cuntegn

Servetschs da segirtad Novas lavurs per Sprecher Security e Securitas durant l’onn passà

Enstagl da survegliar festas, open airs, gieus da ballape cun bleras aspectaturas e blers aspectaturs, èn las lavurs dals servetschs da segirtad, sco tranter auter Sprecher Security e Securitas, stadas las suandantas:

Las mesiras da la Confederaziun han gì la consequenza che quellas han era stuì vegnir controlladas. Quai è stan dad oz, radund 70% da tut noss servetschs durant la pandemia.
Autur: Sandro Sprechercommember da la direcziun da Sprecher Security

Concret munta quai, ch’ins ha entupà las differentas firmas da segirtad, tranter auter en ils territoris da skis, fatschentas u ustarias per controllar sche las persunas, ma era ils patruns, sa tegnian vid las mesiras.

Events da sport

Singulas giadas han els era accumpagnà events da sport. Sa chapescha senza aspectaturas u aspectaturs – tge che n'haja betg dispit fatg pli simpla la lavur, di Sandro Sprecher.

Sche nagins aspectaturs ed aspectaturas èn avant lieu, munta quai per nus bunamain dapli preschientscha. Sch'ina cursa da skis u in gieu da ballape vegn fatg senza aspectaturas ed aspectaturs, munta quai che nus stuain serrar giu da grond spazi.
Autur: Sandro Sprechercommember da la direcziun da Sprecher Security
audio
Corona: Tge fan atgnamain ils servetschs da segirtad?
03:28 min, Actualitad dals 19.04.2021.
laschar ir. Durada: 03:28 minutas.

In bun onn cun bler lavur

Guardà enavos sin quai onn, han las firmas da segirtad gì tuttina blera lavur sco avant la pandemia. Uschia ch’els èn cuntents cun l’onn passà. Per part, hajan els perfin duvrà dapli collavuraturas e collavuraturs, perquai che las dumondas per ils servetschs sajan savens stadas fitg spontans, di il manader da la filiala da la Securitas en la Svizra orientala, Adrian Schärer.

Betg dapli agressiuns

Schegea che las firmas da segirtad sentian che las persunas hajan plaunet avunda da las mesiras ed èn unfis da sa tegnair vid ellas, na sajan las Grischunas ed ils Grischuns betg vegnids pli agressivs encunter la Securitas u Sprecher Security, dian Adrian Schärer e Sandro Sprecher.

RTR actualitad 11:00

Artitgels legids il pli savens

Scrollar a sanestra Scrollar a dretga