Siglir tar il cuntegn

Header

Navigaziun

Legenda: Tadlar il audio Mezdi: Servetschs psichiatrics GR – sguard en il futur. Durada 03:04 minutas.
Or da Actualitad dals 16.05.2019.
cuntegn

Servetschs psichiatrics GR I dovra ina clinica per uffants e giuvenils

Actualmain ston uffants e giuvenils per part vegnir tractads en auters chantuns ni en l'ospital chantunal. Là n'è il persunal betg spezialisà sin problems psichics. Perquai dovri ina clinica per uffants e giuvenils. Quai è in dals dus gronds projects actuals. L'auter è la nova staziun d'urgenza.

Clinica per uffants e giuvenils

  • custs: circa 10 milliuns francs
  • durada da l'entir project: 3-4 onns

Che la situaziun è actualmain betg ideala tar il provediment da giuvenils ed uffants, quai conceda era Fadri Ramming, il president dal cussegl d'administraziun. I saja dentant era betg da dramatisar.

Il basegn da meglierar la situaziun è qua.
Autur: Fadri RammingPresident cussegl d'administraziun PDGR

Per schliar il problem dovri in zic temp. Il plan è da construir ina clinica per ils uffants e giuvenils. Per la fasa da projectaziun, las lubientschas e la construcziun quinta Ramming en tut cun 3 enfin 4 onns, sche tut va bain.

Segund project: la nova staziun d'urgenza

  • custs: circa 24 milliuns francs
  • temp da construcziun: 2 onns

Gia datiers da la badigliada èn ins tar il project per bajegiar ina nova staziun d'urgenza per la clinica Waldhaus. Ins ha dentant stuì surlavurar la dumonda da bajegiar inoltrada l'atun passà. Suenter las adattaziuns da la statica e l'access quintan ins da survegnir la lubientscha da bajegiar la fin matg e da pudair cumenzar cun la construcziun l'atun. A fin avess il bajetg lura dad esser sin l'atun 2021.

RR actualitad 12:00