Ensemen cun la media chantunala e l'Uffizi da construcziun auta sajan ins vegnì a la conclusiun ch'i saja sulet pussaivel da realisar la sessiun sche deputadas e deputads portan ina mascra da protecziun. Pervi dals sezs ch'èn uschè da strusch in da l'auter, na po la distanza minimala numnadamain betg vegnir resguardada. Er mesiras sco da montar paraids da plexiglas na fetschian betg senn.
Tribuna dals aspectaturs averta
L'obligatori da purtar mascra vala per tuttas persunas ch'entran l'edifizi. Uschia er per visitadras e visitaders. Il public po questa giada er puspè observar la sessiun giu da la tribuna da visitaders. Pervi da l'obligaziun da purtar mascra n'èsi betg necessari da registrar las persunas ch'entran il bajetg. Tgi che vul dentant entrar è supplitgà da prender cun sez sia mascra.
Uschia pon er collavuraturs e collavuraturas da las medias puspè lavurar en l'edifizi dal Cussegl grond.