L'ultima decisiun pertutga la lescha da scola. Ella na vegn betg revedida. Il Cussegl grond ha refusà in’incumbensa da la deputada liberala Angela Casanova - che vuleva uschia spargnar.
Cun la nova lescha da scola èn ils custs s’augmentads pli fitg ch'oriundamain calculà: Avant l’introducziun aveva la regenza spetgà custs supplementars da 4,57 milliuns francs - la finala mussa il resultat per l’onn 2015 total 25,6 milliuns francs dapli. Ina maioritad dal Cussegl grond n’è zuar betg cuntenta cun quest fatg, na vul dentant betg spargnar tar la scola grischuna.
Ulteriuras decisiuns
Ils davos trais dis han ils deputads debattà e decidì ina massa. Qua ils puncts ils pli impurtants:
- L'iniziativa per ina chatscha etica che sa cumporta cun la natira è be per part valaivla
- La revisiun parziala da la lescha da chatscha è sut tetg
- Il center d'asil a Meiersboden vegn pli char che spetgà
Il Cussegl grond n'ha dentant betg mo debattà e decidì, na er quella giada ha quai anc dà enqual mument legher.
