Sessiun extra muros è a fin - Il quart di a Puntraschigna

Il ticker è a fin

• 12:33

  ADIA

  ...e cunquai di era il team dad RTR: ADIA Puntraschigna...

  

• 12:26

  Bilantscha

  Martin Aebli, deputà e president da Puntraschigna è cumplainamain cuntent cun la sessiun extra muros en sia patria:

  

  audio

  Bilantscha Martin Aebli

  00:27 min, Actualitad dals 14.06.2019.

  abspielen. Laufzeit 00:27 Minuten.
• 12:19

  Oz en il Telesguard

  Per la president dal Cussegl grond, Tina Gartmann-Albin, èsi stà ina sessiun intensiva - surtut senza sistem da votar electronic. Questa saira è la pli auta Grischuna giast en il Telesguard - natiralmain era en connex cun las pretensiuns da las dunnas dad oz.

  Questa saira las 17.40 uras sin SRF 1.

  

• 12:13

  Fin

  La sessiun extra muros a Puntraschigna è a fin. Tranter auter han deputadas e deputads

  • approvà il quint chantunal 2018
  • dà glisch verda per fusiunar la dretgira chantunala e la dretgira administrativa
  • elegì Christian Rathgeb sco president da la regenza per l'onn 2020
  • tractà 13 incumbensas e 16 dumondas
  • discutà 25 temas en l'ura da dumondas

  

• 12:06

  Egualitad tranter dunna ed um

  Tge fan ils 5 umens da la regenza per promover las dunnas che lavuran en lur departaments?
• 11:51

  Affera da cartel

  Sco empermess: Il cusseglier guvernativ Mario Cavigelli declera la cunvegna ch'el ha fatg cun 9 firmas dal sectur da la construcziun da vias.

  

  audio

  Mario Cavigelli declera la cunvegna

  03:43 min, Actualitad dals 14.06.2019.

  abspielen. Laufzeit 03:43 Minuten.
• 11:12

  Pavlar selvaschina

  Ils maletgs èn enconuschents: Tschiervs che vegn l'enviern sin ils bains purils a la tschertga da pavel. Ils purs èn obligads da proteger cun ina saiv lur fain e ballas da silo. Il pur e deputà Benno Niggli (PBD, Grüsch) vuleva ch'il chantun paja quels custs.

  NA, ha decis il Cussegl grond ed è uschia suandà la proposta da la regenza.

  Adattà al tema

  • Avis sin in sumegliant artitgel:

    Chantun

    Scumond da pavlar selvaschina - da chapientscha fin sancziuns

    16.03.2017 Cun audio
• 10:41

  Rumantsch, talian e tudestg

  I vegn discutà bler en il Cussegl grond. E tuttina datti mintgatant debattas tut spezialas. Sco per exempel quella davart la dumonda da Tobias Rettich (PS, Vaz Sut) sch'i duai dar ina translaziun simultana. Mintgina e mintgin ha discurrì en sia lingua materna.

  Dal reminent: Decis n'è anc nagut - il tema vegn franc puspè ina giada en il Cussegl grond.

  

  audio

  Impressiuns da la debatta

  03:49 min, Actualitad dals 14.06.2019.

  abspielen. Laufzeit 03:49 Minuten.
• 9:59

  PAUSA

  Quiz per la pausa: Tgi enconuscha questas dunnas?

  Commentaris pudais gugent far sin noss chanals da medias socialas...
• 9:44

  Interess medial

  Tuttina restan anc insaquantas dumondas. Quellas faschain nus era a cusseglier guvernativ Mario Cavigelli. Igl è dentant da star en colonna per far intervistas...

  

• 9:42

  Reacziuns positivas

  Sur tut las partidas ora èn deputadas e deputads sa mussads cuntents cun l'agir da la regenza - natiralmain resguardond tut quai che saja capità en l'affera da cartel.

  En ses pled en il Cussegl grond ha cusseglier guvernativ Mario Cavigelli accentuà che la regenza veglia bain lavurar si il passà - dentant era guardar en l'avegnir.

  

  audio

  Extract dal pled da Mario Cavigelli

  01:04 min, Actualitad dals 14.06.2019.

  abspielen. Laufzeit 01:04 Minuten.
• 9:03

  Affera da cartel

  Actualmain fatschenta in vegl tema la debatta: L'affera da cartels en la branscha da bajegiar. Il chantun ha numnadamain publitgà ina communicaziun questa bun'ura:

  Il chantun è sa cunvegnì cun 9 firmas ch'èn tangadas da las examinaziun da la WEKO en il sectur da la construcziun da vias. Questas firmas pajan ina summa da 5 fin 6 milliuns francs - han persuenter vinavant la pussaivladad da survegnir lavurs dal chantun.

  I va per quellas 9 firmas:

  • Cellere
  • Centorame
  • Foser
  • Hew
  • Käppeli
  • Mettler Prader
  • Schlub
  • Toldo
  • Walo Bertschinger

  Actualmain declera cusseglier guvernativ Mario Cavigelli quest cumpromiss a deputadas e deputads.

• 8:32

  Egualitad da dunnas

  La regenza grischuna duai elavurar ina strategia ed in plan d'acziun per promover l'egualitad tranter dunna ed um en il Grischun. Quest'incumbensa ha la fracziun socialdemocratica inoltrà oz gist al cumenzament da la sessiun extra muros. I va tranter auter per

  • dapli dunnas en posiziuns da manar en politica & economia
  • eliminar differenzas da paja
  • mesiras cunter la povradad en la vegliadetgna
  • proteger dunnas da violenza a chasa e da violenza sexuala

  

• 8:13

  Chauma da dunnas

  Era a Puntraschigna èn oz las dunnas en il focus.

  Beatrice Baselgia (PS, Domat) sa participescha a la chauma - Aita Zanetti (PBD, Sent) betg. E tuttina: Sch'i va per l'egualitad tranter dunnas ed umens van ellas perina.

  

  audio

  Discussiun cun Beatrice Baselgia & Aita Zanetti

  03:10 min, Actualitad dals 14.06.2019.

  abspielen. Laufzeit 03:10 Minuten.
• 8:06

  Spurt final

  Bun di e bainvegni a l'ultim di a Puntraschigna!

  La resumaziun dad ier chattais qua:

  Adattà al tema

  • Avis sin in sumegliant artitgel:

    Sessiun extra muros

    Il terz di a Puntraschigna

    13.06.2019