Sessiun extra muros - Il segund di a Puntraschigna

Il ticker è a fin

• 18:39

  Inscunter cun la populaziun

  Uss ha cumenzà il punct final per oz: L'inscunter da la politica cun la populaziun...

  ...ed a quel va ussa era il team RTR - natiralmain be per pudair raquintar la bun'ura al radio co ch'igl è stà ;-)

  

• 18:35

  ...entant che auters han degustà vin.

  

• 18:32

  Puntraschigna

  Era l'istorgia dal vitg han deputadas e deputads tadlà...

  

• 17:02

  Realitad virtuala

  Sa tge ch'il deputà Reto Crameri (PCD) vesa?

  En scadin cas èsi ina purschida exclusiva che Puntraschigna ha organisà per ils parlamentaris: Emprender d'enconuscher meglier la regiun a moda virtuala.

  

• 16:30

  Green Deal sto spetgar

  Damai che la vischnanca da Puntraschigna sa preschenta a deputadas e deputads, ha il vicepresident dal Cussegl grond, Alessandro Della Vedova, decis d'interrumper la debatta e da cuntinuar damaun.

• 15:59

  MortAlive

  Il «bab» dal project al Morteratsch, il link avra en ina nova fanestra è il glaziolog Felix Keller. Il samedrin è questa saira giast en l'emissiun dal Telesguard.

  

• 15:45

  Oz en il Telesguard

  A propos clima: Salvar il glatscher dal Morteratsch enten ennavar el? Con realistica è questa idea?

  Ils collegas dal Telesguard han dumandà suenter... Oz las 17:40 uras sin SRF 1 ubain gia ussa qua:

  

  02:32

  Video

  Idea per salvar il Morteratsch

  Or da RTR dals 12.06.2019.

  abspielen
• 15:25

  Green Deal - GEA u NA?

  Las discussiuns dal clima han era cuntanschì la politica grischuna. Actualmain èn discussiun: La pretensiun socialdemocratica per in «Green Deal» - in plan d'acziun cun mesiras per proteger il clima.

  Adattà al tema

  • Avis sin in sumegliant artitgel:

    «Green Deal»

    Regenza grischuna vul far dapli per il clima

    13.05.2019
• 15:00

  Senza limitaziun

  Tut resta sco enfin uss: Il temp d'uffizi per deputadas e deputads na vegn betg limità. Cun 68 cunter 48 vuschs è l'incumbensa dad Oliver Hohl (PBD, Cuira) vegnida refusada.

  Dal reminent: Rudolf Kunz (PLD, Cuira) ha fatg ina statistica quant ditg che deputadas e deputads èn gia en uffizi:

  

  audio

  Quant ditg èn deputadas e deputas en uffizi

  00:22 min, Actualitad dals 12.06.2019.

  abspielen. Laufzeit 00:22 Minuten.
• 14:41

  Limitar il temp d'uffizi

  Resgian deputadas e deputads quasi vid lur atgnas sutgas?

  I va per introducir in temp d'uffizi per il Cussegl grond. Dispitaivla è surtut la dumonda sche quai augmentass la motivaziun per persunas pli giuvnas da candidar per in sez en il parlament grischun.

  Adattà al tema

  • Avis sin in sumegliant artitgel:

    Chantun

    Betg limitar il temp d’uffizi en il Cussegl grond

    18.03.2019
• 14:09

  I va vinavant

  Punctualmain per il cumenzament suenter la pausa da mezdi cuchegia il sulegl tranter ils nivels a Puntraschigna.

  

• 12:21

  PAUSA DA MEZDI

  La debatta cuntinuescha las 14:00 uras. Temp per ir a marenda ubain per far in discurs live al Radio Rumantsch...

  

• 12:13

  1.incumbensa

  Cura che la tgira da monuments fa ses inventari (da cuntradas u da bajetgs) duain ils possessurs vegnir infurmads ed involvids pli baud. Questa incumbensa da Thomas Bigliel (PLD, Landquart) han deputadas e deputads acceptà cun 82 cunter 30 vuschs. La regenza era d'in auter avis: La pratica actuala bastia e l'infurmaziun saja garantida.

• 12:02

  Dumondas ed incumbensas

  Uss cumenza il grond potpurri da temas en la sessiun extra muros: Fin venderdi da mezdi stattan en tut 29 intervenziuns da deputadas e deputads sin la glista da tractandas. Las respostas ha la regenza gia publitgà - uss vegn dentant discutà mintga tema. Ed ils giavischs ord il parlament èn fitg differents:

  • infurmar meglier tar l'inventarisaziun da la tgira da monuments
  • lantschar in "Green Deal" per il Grischun
  • limitar il temp d'uffizi per deputadas e deputads
  • translatar simultan las debattas dal Cussegl grond
  • megliurar tschertas vias en il Grischun
  • etc.
• 11:41

  Dretgiras grischunas

  La dretgira chantunala e la dretgira administrativa duain fusiunar. Deputadas e deputads han prendì per enconuschientscha dal rapport da la regenza (cun 104 tar 1 vusch). Igl è dentant be in rapport che ha evaluà differentas variantas per reorganisar las dretgiras ed cun cumparegliaziuns cun auters chantuns. Decis n'è perquai anc nagut - uss po la regenza elavurar il messadi per lura pudair reveder la lescha necessaria.

• 11:27

  Rumantsch

  Puntraschigna beneventa ses giasts cun umor en il center da congress...

  

• 11:16

  Intervistas

  Christian Rathgeb è stà in um tschertgà durant la pausa da café. Era ad RTR ha el dà pled e fatg suenter sia elecziun sco proxim president da la regenza.

  Dal reminent: Gia l'ultima giada cura ch'el è vegnì elegì per quest post èsi stà sessiun extra muros - il 2015 ad Arosa...

  

  00:18

  Video

  Quote Christian Rathgeb

  Or da RTR dals 12.06.2019.

  abspielen
• 10:57

  Debatta cuntinuescha

  Damai ch'i plova a Puntraschigna han bleras deputadas e deputads bavì lur café en il foyer dal center da congress Rondo. Uss cuntinuescha la debatta davart co reorganisar las dretgiras superiuras en il Grischun.

  

• 10:18

  PAUSA

  Las 10.45 uras cuntinuescha la debatta...

  Temp per metter d'in maun la lavur ed ir a cafe - era il team RTR ;-)

  

• 10:12

  Presidi regenza

  Quant impurtant èsi insumma da vegnir elegì cun in bun resultat president da la regenza? U è quai plitost insatge per l'agen ego? Quai dumandain nus Christian Rathgeb.

  Da tadlar suenter las 12 uras al Radio Rumantsch...

  

  00:25

  Video

  Elecziun Christian Rathgeb

  Or da RTR dals 12.06.2019.

  abspielen