Siglir tar il cuntegn

Header

cuntegn

Chantun Sex, drogas e violenza

«Viktoria - a Tale of Grace and Greed» dal reschissur da Cuira Men Lareida è in drama sur da la prostituziun en Svizra. Il film raquinta l’istorgia da la giuvna Roma Viktoria da l’Ungaria che vegn plain speranza sin ina meglra vita en Svizra – Però il cuntrari è il cas.

Viktoria viva a Budapest en Ungaria en povertad. Ella cumbatta ensemen cun sia famiglia per il mintgadi. Perquai sa decida la giuvna Roma dad ir a lavurar a Turitg al Sihlquai sco prostituada. Plain speranza da gudagnar svelt e blers raps per pudair viver ina meglra vita sa metta ella sin via.

Vita è tut auter che s'imaginà

La vita sin las vias da Turitg è però tut auter che quai che Viktoria ha s'imaginà. Ella arriva en ina pitschna stanza ensemen cun in’autra prostituada e cun quella ha ella adina puspè dispita. Damai che Viktoria na sa betg tudestg na po ella betg communitgar. Il ruffian è in um violent ed in tiran che metta Viktoria tut il temp sut squitsch. Però il pli sgarschaivel per Viktoria è la lavur sezza. Per tegnair or la situaziun cumenza ella a prender drogas.

Il film «Viktoria - a Tale of Grace and Greed» da Men Lareida da Cuira sa basa sin ina istorgia vaira.

Artitgels legids il pli savens