Fugir da tschajera e blues da corona e giudair la naiv na va betg a prà cun reglas da distanza ed igiena. E tuttina, ils giasts vegnan a vegnir uschè ditg sco ils territoris grischuns èn averts. Per numerus emploiads tar pendicularas munta questa stagiun d’enviern dapli lavur e pretenda dapli gnerva.
Il territori da Sursaissa Mundaun ha fatg in test la fin d’emna passada ed avert oz pistas. Cun bunas experientschas.