Siglir tar il cuntegn

Header

grafica cun las candidaturas en l'entir grischun
Legenda: L'Engiadin'Ota e la Surselva han pliras giadas gì las quaidas da far campiunadis mundials da skis. Survegnì els ha fin ussa però mo l'Engiadina. grafica RTR
cuntegn

Sguard en l'archiv Campiunadis mundials da skis - In event tschertgà dal Grischun

San Murezzan, respectiv l’Engiadin'Ota, han gia organisà campiunadis mundials da skis. Gugent vessan els organisà anc daplirs – quai però senza success. Era la Surselva avess gugent organisà campiunadis. Ella ha dentant survegnì in chanaster da la FIS durant ils onns 90.

Engiadin'Ota: Success il 2003 e 2017

Suenter 1934, 1948, 1974 e 2003 po San Murezzan respectiv l'Engiadin'Ota organisar era il 2017 ils campiunadis mundials da skis. Las candidaturas han persvas ils delegads e las delegadas da la FIS. Omaduas giadas era il plaschair da dastgar organisar ils campiunadis mundials grond.

Betg tut las candidaturas han gì success

San Murezzan e l'Engiadina avessan dentant anc organisà autras giadas quels gieus. Las candidaturas n'han però gì nagin success. La televisiun Rumantscha è stada preschenta tar la preschentaziun dals projects ed era tar las decisiuns.

Candidaturas sursilvanas 1995 e 1997

video
Candidatura 1995 da la Surselva
Or da L’archivar recumonda dals 25.11.1989.
laschar ir

Il 1989 è in comité privat s'annunzià en Surselva cun ina candidatura per ils campiunadis mundials da skis alpin 1995. Breil e Laax avessan duì esser ils lieus per las cursas. Davent dal cumenzament hai dentant er dà critica. Per l'ina d'organisaziuns d'ambient e per l'autra da la populaziun indigena. Malgrà l'opposiziun, ha il comité inoltrà la candidatura a la FIS.

audio
Cura che la Surselva vuleva organisar campiunadis mundials da skis
03:54 min, Actualitad dals 20.02.2021.
laschar ir. Durada: 03:54 minutas.

Duas giadas candidà – duas giadas senza success

La trumpada e surpraisa n'è betg stada gronda, cura ch'il congress da la FIS ha surdà il matg 1990 a la Sierra Nevada d'organisar ils campiunadis mundials da skis 1995. «Che la Sierra Nevada gudognia, han ins stuì quintar, quella ha gia candidà 3 giadas» ha Reto Gurtner, in dals iniziants da la candidatura, ditg ad RTR en ina emprima analisa suenter la decisiun. Era la discussiun al podi suenter la decisiun ha mussà, che ni ils promoturs ni ils adversaris da la candidatura eran fitg surstads.

Che la Sierra Nevada gudognia han ins stuì quintar, quella ha gia candidà 3 giadas.
Autur: Reto Gurtnercon-iniziant candidatura Surselva 1995
Reto Gurtner
Legenda: Reto Gurtner è stà in dals iniziants da la candidatura Surselva 1995 e 1997. Keystone

Pli pauca chapientscha ha Reto Gurtner gì il 1992, cura che la FIS ha surdà ils campiunadis mundials dal 1997 a Sestrière enstagl a la Surselva. El ha regalà a singuls delegads da la FIS in FIAT da termagls sco protesta per corrupziun supponida. In regal uschia da dir era per «Giacomo Pancaldo» e sia satira en l'emissiun «Allegra» dal Radio Rumantsch.

RTR actualitad 07:00

Artitgels legids il pli savens

Scrollar a sanestra Scrollar a dretga