Cun l'onn nov han las medias rumantschas smatgà il buttun da «Reset». L'Agentura da Novitads Rumantscha (ANR) è istorgia: Ella ha ussa num Fundaziun da Medias Rumantschas (FMR). Quella furnescha en avegnir cun ina atgna redacziun texts per gasettas rumantschas, tranter auter la Quotidiana.
Responsabladad giu da dies
L'anteriur manader da la «Gasetta Romontscha» era da bell’entschatta da la partida ed el è anc adina persvadì che la Rumantschia dovra la lingua scritta per avair in avegnir. Durant ses entir temp tar «La Quotidiana» era il pled «spargnar» ses accumpagnader pli fidel. Premissas difficilas per augmentar il numer d’abunents. Anzi: Sco tar autras gasettas perda era la Quotidiana lecturas e lecturs. Per pudair abolir la gasetta senza problems, aveva la chasa editura Somedia relascha preventivamain Martin Cabalzar avant dus onns.
Ensemen cun RTR guarda el enavos sin 23 onns «Quotidiana» e 22 onns schefredacziun.
Ussa è la Quotidiana en ils mauns da la nova «Fundaziun Medias Rumantschas» e Martin Cabalzar impiegà là sco redactur e substitut dal schefredactur da la FMR.
Ord l'archiv
Dapi 19 onns è el schefredactur da la suletta gasetta dal di rumantscha, da La Quotidiana. L’existenza da quella gasetta è però periclitada. In di da lavur cun Martin Cabalzar.
RR actualitad 07:00