Simon Bott è il nov secretari dal Departament d'educaziun, cultura e protecziun da l'ambient (EKUD). La regenza grischuna ha elegì Bott sco successur dad Andrea Stadler.
Simon Bott ha 31 onns ed abitescha a Ziràn-Reschen en Val Schons. El cumenza ses nov post ils 8 da fanadur. Bott ha studegià giurisprudenza cun scienzas economicas ed ha er gia lavurà tar dretgiras e tar l'administraziun chantunala. Sco secretari dal departament vegn Bott a cussegliar e sustegnair il schef dal departament, Jon Domenic Parolini ed ils differents posts.
