Tenor ina retschertga da la Media-Brands 2019 è il Radio Rumantsch il pli simpatic radio da la SRG SSR. Tar ils radios privats è quai Rhône FM dal Vallais. Quai demussan emprimas analisas dal studi annual da l’interpresa Publicom. Radio Rumantsch è quest onn per l'emprima giada vegnì resguardà tar questa analisa e gist vegnì a la testa. Rhône FM ha, cumpareglià cun l'onn avant, fatg bun in plaz e surpassà Radiofr dal Friburg.
La Première (RTS) ha cuntanschì l'emprim plaz quai che pertutga la credibladad. Sin il segund plaz è il Radio Rumantsch. Tar ils radios privats è quai Rhône FM, suandà da Radiofr.
Simpatia
| SRG SSR | Radios Privats | ||
|---|---|---|---|
| Radio Rumantsch | 108.6 | Rhône FM | 106.6 |
| SRF 2 Kultur | 106.4 | Radiofr | 104.9 |
| Rete Tre (RSI) | 105.7 | Bern 1 | 102.8 |
Credibladad
| La Première (RTS) | 114.1 | Rhône FM | 106.6 | |
| Radio Rumantsch | 113.0 | Radiofr | 104.5 | |
| SRF 4 News | 112.5 | Chablais | 104.3 |
Retschertga Publicom
Publicom ha quest onn retschertgà 172 marcas da medias, tranter quels eran 49 radios. La retschertga represchentativa è vegnida fatga il matg e zercladur 2019. Dumandadas èn vegnidas 4’839 persunas tranter 15 e 79 onns. La quota da sbagls è tar 1,4%.
RR novitads 14:00