Las Pendicularas Lai SA ston tschertgar in nov schef. Il CEO da fin uss, Peter Engler, bandunia l'interpresa la fin d'avrigl da l'auter onn. Quai han communitgà las pendicularas. Tgi che duaja succeder ad Engler, n'è il mument anc betg enconuschent.
Peter Engler candidescha sco landamma da Tavau. Per cas ch'el vegn elegì en il segund scrutini la fin da november, stuess el surpigliar il post l'entschatta da l'auter onn. Perquai saja sia demissiun ina consequenza logica, scrivan las Pendicularas da Lai vinavant.
Ord l'archiv
A las elecziuns da la fin settember ha Peter Engler fatg il segund bleras vuschs per il post da landamma a Tavau. Dapli vuschis ch'il liberaldemocrat ha Philipp Wilhelm da la PS fatg. Uss decida il segund scrutini.
video
Elecziuns communalas – ina survista da pliras vischnancas
Or da Telesguard dals 27.09.2020.
laschar ir. Durada: 1 minuta 53 Secundas.
