Siglir tar il cuntegn

Header

cuntegn

Chantun «Sion 2026» na dovra betg Laax e Lai

Suenter il «na» en il Grischun han Laax e Lai annunzià lur interess da sa participar a la candidatura «Sion 2026». Ils responsabels reageschan dentant cun sceptica.

Ni Laax ni Lai saja enfin ussa s'annunziads uffizialmain tar els. Quai ha ditg Hans Stöckli, il vice-president da la candidatura «Sion 2026» sin dumonda dad RTR.

«Nus avain gia previs lieus per freestyle e biatlon»

audio
Saira: "Sion 2026" è sceptic vers l'offerta da Laax e Lai
ord Actualitad dals 17.02.2017.
laschar ir. Durada: 1 minuta 12 Secundas.

En lur candidatura per ils gieus olimpics 2026 saja previs d'organisar las cursas da halfpipe a Leysin, la disciplina da Big Air a Sion e las concurrenzas da biatlon a La Lécherette en il chantun Vad. Hans Stöckli na vesa nagina raschun per midar quests plans.

La suletta destinaziun grischuna en lur candidatura vegnia probabel ad esser San Murezzan. Là saja avant maun il consentiment da la regenza grischuna da pudair organisar las cursas da bob, skeleton e scarsola en il chanal da glatsch, uschia Hans Stöckli.

Laax e Lai han annunzià interess

Dacurt avevan omadus - Laax e Lai - annunzià ch'ellas veglian contactar ils responsabels da la candidatura «Sion 2026». Laax avess interess vid las concurrenza da freesyle e Lai vuless gugent esser il lieu da biatlon.

RR novitads 17.00

Artitgels legids il pli savens