Siglir tar il cuntegn

Header

pumpiers.
Legenda: RTR, Anna Selina Quinter
cuntegn

Sirenas, aua e fieu 150 onns federaziun Svizra da pumpiers

Uschia ha il corp da pumpiers da Cuira festivà il 150avel anniversari da la federaziun Svizra da pumpiers.

Radund 66'000 giadas ad onn vegnan ils pumpiers clamads en Svizra. Questa fin d'emna festivescha la federaziun Svizra giubileum da 150 onns. 650 corps da pumpiers avran a chaschun da quest giubileum lur posts e mussan cun divers puncts da program las lavurs da pumpiers. Quai per l'ina per festivar tuts ensemen e per l'autra per attrair in pau l'attenziun sin ils pumpiers e lur incumbensas.

audio
Erni Hansjörg, cumandant dals pumpiers Cuira: Daco festivar il giubileum uschia?
00:12 min, RTR Audio dals 31.08.2019.
laschar ir. Durada: 00:12 minutas.

En Svizra sistem da milissa

En l'Austia ed en la Germania datti per gronda part pumpiers da professiun. En la Svizra è quai auter. Sulettamain var 2% dals pumpiers èn pumpiers da professiun. Corps professiunals han cunzunt ils martgads pli gronds sco Turitg u Basilea. En Svizra èn ils blers pumpiers da milissa. Quai per ina pervia dals daners e per l'autra pervia da l'effizienza. Il chantun grischun n'ha insumma betg pumpiers da professiun. El mument funcziunia il sistem da la Svizra tenor la federaziun da pumpiers Svizra bain uschia. Per il futur saja impurtant da star vid la recrutaziun e la sensibilisaziun dals pumpiers.

audio
Saira: Pumpiers – Milissa u pumpiers da professiun
03:16 min, Actualitad dals 30.08.2019.
laschar ir. Durada: 03:16 minutas.

RR actualitad 17:00

Artitgels legids il pli savens

Scrollar a sanestra Scrollar a dretga