Siglir tar il cuntegn

Header

cuntegn

Sistem d'eleger Regenza sto purtar propostas

La regenza sto preschentar variantas, co ch'il Grischun duai eleger en l’avegnir deputadas e deputads dal Cussegl grond. Quai suenter ch’il Tribunal federal ha constatà questa stad, ch’il sistem da maiorz na funcziuna betg per circuls gronds e pitschens.

Cun acceptar in’incumbensa dal deputà liberal Bruno Claus ha la regenza uss l'incumbensa da preschentar in messadi per adattar il sistem d’eleger a partir dal 2022.

Il sistem d'elecziun futur

  • sto esser stabil, transparent/plausibel, gist e confurm a la lescha
  • sto resguardar las differenzas geograficas, culturalas e linguisticas dal chantun
  • garantir che tuts sajan represchentads commensuradamain en il parlament.

Il Cussegl grond ha approvà cun gronda maioritad l'incumbensa. Il deputà Bruno Claus è cuntent cun la resposta da la regenza e spera ch'i dettia propostas concretas.

RTR novitads 14:00