Tar las circumstanzas actualas possian gia singuls skiunzs far distatgar ina lavina, uschia di l'expert da lavinas Gian Darms da l’Institut da naiv e lavinas SLF a Tavau.
En il decurs dal di vegnan spetgadas precipitaziuns dal vest, che sa midan da naiv en plievgia. Perquai saja schizunt da quintar cun lavinas spontanas – vul dir cun lavinas, che sa distatgan da sasez, di Gian Darms.
Sur la fin d'emna sajan da spetgar dus tips da lavinas: Sur 2'000 meters poi dar lavinas sitgas, sut quel cunfin lavinas bletschas. Cun la bell'aura che vegn spetgada per la dumengia na vegn betg a sa midar bler.
RR novitads 06:00