Siglir tar il cuntegn

Header

video
Bova tranter Lumbrein e Vrin
Or da RTR Social dals 03.10.2020.
laschar ir
cuntegn

Situaziun da vias Il Lucmagn è puspè avert però cuvert cun naiv

Entras la plievgia hai dà en l’entir Grischun sbuvaditschs e vias inundadas. Ils pumpiers èn stads en acziun per rumir vias e pumpar ora tschalers, uschia il pledader da la Polizia chantunala Roman Rüegg envers RTR. Persunas n'èn betg vegnidas blessadas.

Suenter las malauras da sonda han ins stuì serrar il Pass dal Lucmagn. Entant è el puspè avert dentant cuvert cun naiv. Cun naiv èsi era da quintar sin ils Pass Alpsu, Güglia, Bernina, Umbrail e Forcola di Livigno.

Lumnezia

En la Val Lumnezia è la via tranter Lumbrein e Vrin stada serrada sur pliras uras. Serrada resta la via a Surrin - in sviament è dentant signalisà.

La raschun è ch'ina pitschna bova ha purtà aua e material sin la via datiers da la Val Miedra.

Sisum la Surselva

Il pass dal Lucmagn resta anc serrà per motivs da segirtad. Il pass da l'Alpsu èn entant puspè avert. La lingia da tren è entant puspè vegnida serrada pervi da donns vid ils binaris. I dat bus da remplazzament, communitgescha la Viafier Matterhorn-Gottard.

Valladas dal sid

Sin la via tranter Silvaplauna e Chiavenna hai dà impediments da traffic sin autezza da Bondo. Sco la Polizia chantunala ha declerà sin dumonda dad RTR, aveva il flum Bondasca manà memia bler'aua.

A Cama en la Mesolcina han ils pumpiers stuì evacuar duas chasas. Quai saja stà ina mesira da segirtad, uschia il pledader Roman Rüegg.

RTR novitads 07:00

Artitgels legids il pli savens

Scrollar a sanestra Scrollar a dretga