Siglir tar il cuntegn
Inhalt

Chantun Skipp da Cuira gudogna premi cun app per navigar

L’agentura da communicaziun skipp da Cuira gudogna cun lur app per nautichers il «German Design Award 2019». Quai en la categoria «special mention».

Persuna cun in telefonin sin ina bartga.
Legenda: L'app infurmescha davart ports, restaurants e tancadis sin il Lago Maggiore. MAD

L'app per ir cun bartga a vela ed a motor sin il Lago Maggiore è vegnida premiada cun l’emprim plaz. Uschia ha communitgà l’agentura «skipp». L'app infurmescha davart ports, restaurants e tancadis al lai. Quellas infurmaziuns vegnian endatadas a maun e controlladas regularmain e sajan uschia pli actualas che cartas nauticas, hai num. Plinavant vegnan il livel da l'aua sco era infurmaziuns dal vend annunziadas en temp real.

L'app datti dapi il 2017. I dat l'app en sis linguatgs tranter auter en ollandais e russ. Dapi lura dovran passa 4'000 nautichers l'app. L'utilisaziun da questa app è gratuita. La surdada da l'Award vegn ad avair lieu il favrer 2019 a Frankfurt.

RR novitads 17:00